1 - ايه اهميه مروحه البروسيسور ( FAN CPU ) و ليه نغيرها ؟!!
* اهميه مروحه البروسيسور كبيره جدا لان منغيرها اكيد مينفعش الجهاز يشتغل لانها مسؤله عن تبريد البروسيسور ولو سخن الجهاز بيقفل تلقائي !!
و كمان في خطر كبير في ان البروسيسور يتحرق !
* طبعا اذا كانت لا توفر درجه حراره جيده للبروسيسور يجب تبديلها باخري في اسرع وقت و يجب عدم تشغيل الجهاز قبل تغيرها.
2 - ايه هي اعراض تلف مروحه البروسيسور !
1 - ريستارت للجهاز بشكل متكرر كل فتره قصيره او كل ما درجه الحراره تزيد
2 - تهنيج حتي وان كانت الامكانيات عاليه !
3 - الجهاز ميفتحش خالص ! ( يقطع داتا )
3 - ازاي نعرف ان المشكله فـ مروحه تبريد البروسيسور اصلا !
بكل بساطه ممكن نعرف درجه حراره البروسيسور , فاذا كانت عاليه ده معناه ان المروحه كفائتها ضعيفه ويجب تغيرها فـ المعدل الطبيعي لدرجه حراره البروسيسور هوا 50 درجه مئويه و يجب ان نقلق اذا تجاوزت 85 درجه مئويه
اما بالنسبه لسرعه دوران المروحه 3000 لفه في الدقيقه
4 - ازاي نعرف درجه حراره البروسيسور و عدد لفات المروحه فـ الدقيقه ؟
افضل طريقه في رأيي هي عن طريق برنامج msi afterburner يمكنك البحث في اليوتيوب عن طريقه تثبيته و تشغيله.
